Cambre asina un novo éxito de asistencia na última xornada do Rock Infantil, con centos de pequenos rockeiros
Cambre volveu a demostrar a súa grande paixón polo rock infantil na segunda e última xornada do Rock Infantil, cunha masiva asistencia de nenos e nenas que se congregaron esta tarde no Parque da Igrexa. A asistencia foi tan destacada que amosou claramente que en Cambre a paixón polo xénero se transmite de xeración en xeración. O mesmo éxito se rexistrou durante a primeira xornada do Rock Infantil, celebrada onte no CEIP Portofaro.
Os concertos desta tarde incluíron as actuacións da Banda Xuvenil Sementeira Cambre, o espectáculo Rock ‘N’ Magic do Mago Teto, e a sesión de DJ Manri e Julia B.T. Desta última, a súa aparición foi especialmente destacada: a xoven Julia B.T., de tan só 11 anos, debutou no teatro de Cambre. Con unha gran paixón pola música e a electrónica, a súa primeira mesa de mesturas foi un agasallo recente que lle permitiu realizar a súa primeira sesión xunto a DJ Manri. A pesar da súa xuventude, Julia conquistou ao público coas súas mesturas de clásicos do rock como Elvis Presley, AC/DC, Queen e The Rolling Stones.
Tamén o venres, o Rock Infantil contou coas actuacións de Mamá Cabra e The Music Patrol, que tamén lograron encher o recinto do colexio Portofaro.