Burger Manía chega a Arteixo para catro días de hamburguesas gourmet
O macroevento itinerante ‘Burger Manía’ aterra en Arteixo o xoves 6 de Novembro e prolongarase ata o domingo 9 no recinto da pista deportiva cuberta do Campo da Festa.
Durante catro días, os amantes da hamburguesa terán a oportunidade de gozar dunha verdadeira experiencia gourmet ao aire libre —ou case ao cuberto— cunha proposta que reúne food trucks de toda España competindo con máis de vinte elaboracións diferentes.
O público é quen ten a voz: poderá degustar as creacións e votar pola súa favorita, e as hamburguesas máis votadas avanzarán á gran final do certame. Ademais, para atender a todas as necesidades, haberá opcións específicas para persoas celíacas e un menú infantil pensado para que os máis pequenos tamén vivan a experiencia a medida.
Non se trata só de comida: ademais das hamburguesas, o festival ofrece un ambiente animado con música en directo, zona familiar e un food truck especializado en tartas de queixo para pechar a experiencia con dozura. Un plan perfecto para achegarse en familia ou con amigos, coñecer novas propostas gastronómicas e pasalo ben nun espazo cómodo e seguro en Arteixo.