Betanzos incluirá un pump track no Pasatiempo no POS adicional antes de fin de ano
O Concello de Betanzos vai incluír no seu proxecto do POS adicional a construción dunha pista de pump track na zona do Pasatiempo, segundo confirmou onte a alcaldesa, María Barral. A partida complementaria do Plan de Obras e Servizos (POS) que corresponde ao municipio ascende a 220.000 euros e, tal e como anunciou o goberno local, unha parte desa contía reservarase para a execución desta nova infraestrutura deportiva, cuxo custo estimado no proxecto técnico rolda os 50.000 euros.
Barral recordou que se trata dun compromiso recollido previamente e aprobado polos orzamentos participativos, e explicou que o Concello xa ten prevista a inclusión do pump track noutros plans de obras provinciais e locais. A rexedora confirmou que a proposta concreta deberá pasar polo Pleno municipal para a súa aprobación definitiva e mostrou a intención do goberno de que a iniciativa conte con financiamento suficiente para acometerse “a curto prazo”.
A anunciada construción da pista abriu tamén o debate político local. A alcaldesa reprochou ao PP a súa actitude anterior, na que votou en contra doutras partidas do POS —como unha inversión de 157.000 euros para unha pista de pádel cubierta— e apelou a que esta vez apoie o proxecto “para Betanzos e para os veciños”. Barral sinalou que o executivo local seguirá a planificar actuacións deportivas en coordinación con outras administracións —mencionando contactos coa Xunta para proxectos como skaterpark ou un novo pavillón— e que o resto do POS asignado a Betanzos se destinará a gasto corrente.