Eventos

O Teatro Alfonsetti recibirá o sábado 17 de xaneiro, ás 11.30, un faladoiro centrado no que se viviu en Monfero, Irixoa, Aranga e Vilarmaior durante a Guerra Civil e a posguerra

Betanzos será o punto de encontro para a presentación de ‘Voces silenciadas. Lugares de Memoria’, un proxecto que aborda a violencia e a represión exercidas durante a Guerra Civil e a posguerra (1936-1949) nos concellos de Monfero, Irixoa, Aranga e Vilarmaior.

O acto celebrarase este sábado, 17 de xaneiro, ás 11.30, no Teatro Alfonsetti. A sesión estará conducida polo arquiveiro de Betanzos Ángel Arcay e contará coas intervencións de Paula Cadaveira, profesora de Xeografía e Historia; Emilio Grandío, catedrático de Historia Contemporánea da USC e o alumnado de 4º da ESO do CPI Virxe da Cela en Monfero.

A entrada será de balde, aínda que con aforo limitado, polo que a organización solicita confirmar asistencia a través do correo voceselugares.monfero@gmail.com.