Infraestructuras

A actuación, financiada polo POS+ da Deputación, inclúe a substitución do peche perimetral, do pavimento de caucho e dos elementos de xogo, cun orzamento de 62.036,89 euros

As obras de renovación do parque infantil de Bemantes avanzan estes días coa vista posta en ofrecer un espazo máis seguro e cómodo para a cativada. A intervención céntrase na posta a punto integral da área de xogo, nun punto moi utilizado pola veciñanza.

O proxecto, financiado a través do POS+ da Deputación da Coruña, contempla a substitución do peche perimetral, a renovación do chan de caucho e o cambio dos diferentes xogos, co obxectivo de mellorar tanto a funcionalidade como as condicións de uso do parque.

A actuación conta cun orzamento de 62.036,89 euros, con achega provincial de 61.124,81 euros.