Asperga celebra o II Torneo de Pádel Solidario para apoiar ás persoas con Asperger
ASPERGA (Asociación Galega de Asperger) organiza, en colaboración con PÁDEL A1, o II Torneo de Pádel Solidario, que se celebrará nas súas instalacións, situadas na Rúa Galileo Galilei, 36, do 12 ao 15 de decembro. O evento ten como obxectivo recadar fondos para apoiar ás persoas no espectro autista e ás súas familias, á vez que promove a práctica deportiva e a solidariedade na comunidade.
Durante o torneo habilitarase unha FILA 0, para que aquelas persoas que desexen colaborar poidan realizar doazóns sen necesidade de participar na competición. Así mesmo, estarán dispoñibles rifas con premios especiais grazas ao apoio de patrocinadores, e a recadación destinarase integramente a apoiar os proxectos de ASPERGA.
Os donativos á FILA 0 poden realizarse a través de PayPal na web da asociación, na sección “Colabora”, ou mediante transferencia bancaria ao número de conta ES79 2100 1786 9102 0011 8537, indicando como concepto “FILA CERO TORNEO PÁDEL A1”.
O torneo culminará o domingo, 15 de decembro, cun acto de clausura no que se entregarán os premios ás persoas gañadoras das distintas categorías. Será un momento de encontro e agradecemento entre participantes, patrocinadores e colaboradores.
ASPERGA fai un chamamento á cidadanía para unirse a esta causa, que busca visibilizar e mellorar a vida das persoas con Síndrome de Asperger, promovendo o apoio social a través do deporte.