As Torres de Santa Cruz celebran o Día das Letras Galegas 2024 cun recital poético
O teatro As Torres de Santa Cruz acollerá o xoves 16 de maio ás 19.00 horas un recital poético a cargo da actriz Chus Álvarez, acompañada ao piano por Ángeles Dorrio.
Para conmemorar o Día das Letras Galegas 2024 dedicado a Luísa Villalta, a Rede de Bibliotecas Públicas Municipais do Concello de Oleiros organiza un recital poético na honra de 31 escritoras galegas a cargo da actriz Chus Álvarez, acompañada ao piano por Ángeles Dorrio.
O recital comezará e finalizará con poesías de Luísa Villalta, pero tamén recitará poemas doutras autoras como Yolanda Castaño, Pilar Pallarés, Rosalía de Castro, Alba Doval, Alba Cid, Ana Romaní, Antía Otero, Chus Pato, Dores Tembrás, Emma Couceiro, Emma Pedreira, Estíbaliz Espinosa, Filomena Dato, Francisca Herrera Garrido, Helena Villar Janeiro, Lucía Aldao, Lupe Gómez, Luz Fandiño, Luz Pichel, María do Cebreiro, María Lado, María Mariño, María Xosé Queizán, María Victoria Moreno, Marga Tojo, Olalla Cociña, Olga Novo, Pura Vázquez, Xela Arias e Xohana Torres.
Desde as bibliotecas municipais convidan a participar do acto ata completar a capacidade da sala.