As mulleres de Vilasantar reciben unha formación en autodefensa persoal

As participantes traballaron na identificación de sinais de perigo para previr situacións de risco

As mulleres de Vilasantar participaron nunha xornada de formación en autodefensa persoal para facer fronte a situacións violentas. Da man de Juan José Martínez e a través do Método MAS, achegáronse a unha metodoloxía específica de defensa persoal feminina, que lles permitiu aprender a empregar tanto o corpo como a mente ante posibles ameazas cotiás.

Durante a sesión, as participantes traballaron na identificación de sinais de perigo para previr situacións de risco e practicaron movementos efectivos para defenderse en caso necesario.

Esta formación terá continuidade o vindeiro sábado, cunha segunda sesión que se desenvolverá de 10.00 a 14.00 horas.