As Brigantias Roller Derby A Coruña comezan este sábado o Campionato Nacional ARDE
ACoruñaXa
O equipo coruñés de Roller Derby xogará este sábado 2 de marzo contra Sereas Bravas Roller Derby Vigo no pavillón polideportivo de Elviña 2 ás 16.00 horas
AS BRIGANTIAS VS ST. PAULI ROLLER DERBY HAMBURG
29 Feb 2024
As Brigantias Roller Derby A Coruña xogarán o seu primeiro partido do Campionato Nacional ARDE (Asociación de Roller Derby de España) este sábado 2 de marzo contra Sereas Bravas Roller Derby Vigo. O partido terá lugar na Coruña, no pavillón polideportivo de Elviña 2 ás 16.00 horas e a entrada será gratuíta.
A continuación deste encontro, o segundo equipo, As Brigantias B, xogará un scrimmage (partido amistoso) contra un combinado de Sereas Bravas á 18.00 horas.
Este é primeiro partido da tempada do Campionato Nacional da Liga ARDE da División 2. En futuros encontros Brigantias Roller Derby A Coruña xogarán contra as Black Thunders Derby Dames Madrid e as Roller Derby Madrid B.
