As bibliotecas municipais de Oleiros acollerán sesións de contacontos e obradoiros infantís

ACoruñaXa
A rede de bibliotecas públicas do Concello de Oleiros publica o programa de animación á lectura  que terá lugar nas súas sete bibliotecas municipais dende finais de xaneiro ata finais de maio.
Contacontos
Contacontos
27 Xan 2024
A rede de bibliotecas públicas do Concello de Oleiros publica o programa de animación á lectura  que terá lugar nas súas sete bibliotecas municipais dende finais de xaneiro ata finais de maio. A iniciativa dirixese a nenos de entre 2 e 4 anos e a partir de 5 anos.
As sesións de contacontos e concertos terán lugar ás 18:30 horas e os obradoiros ás 17:30h. En total serán 62 sesións de diferentes actividades infantís, como contacontos, concertos de música, sesións de maxia, obradoiros científicos e de arte... para fomentar a lectura e animar a que os nenos e nenas visiten as bibliotecas no seu tempo libre.
Estas actividades realizaranse a través de narración ou dramatización dunha ou varias historias, pero tamén haberá música, maxia e outros espectáculos para atraer á lectura ao público infantil. Todos os actos terán un enfoque lúdico, fomentando a imaxinación e a creatividade, como unha invitación a viaxar a un tempo máxico de ilusión e fantasía.
O aforo para estas actividades é limitado, polo que é imprescindible reservar previamente praza na biblioteca en que se desenvolva cada unha das actividades. Isto pode facerse chamando por teléfono ou achegándose persoalmente. Os interesados podera inscribirse 10 días antes da data de realización de cada evento.

Unha variada oferta para os máis cativos

Na Biblioteca Central Rialeda (Perillo) levaranse ao cabo para os nenos de entre 2 e 4 anos as seguintes actividades ás 18.30 horas: o 15 de febreiro 'Babá Bebé' de A Xanela do Maxín; o 29 de febreiro 'Fábulas' de Ramiro Amil; o 4 de abril 'Con certo aire musical' con Fran Amil; o 18 de abril, 'Leo e a música' de Trémola Teatro e o 2 de maio 'Son animal' de Paco Nogueiras.

Por outra banda, os nenos de 5 ou máis anos poderán desfrutar ás 18.30 horas das seguintes actividades: o 22 de febreiro 'Cantares gallegos ao ukelele' de Antón Ke; o 7 de marzo, 'E tí que queres ser de maior?' de Trémola Teatro. O 21 de marzo, 'O traxe novo do rei' de Pablo Díaz; o 9 de maio, 'Cantos contos canto' de Pablo Díaz e o 16 de maio, 'A nena do violino e a poesía' de Trémola Teatro.

Na Biblioteca Municipal Rosalía de Castro (Santa Cruz) as actividades dirixidas aos nenos de entre 2 e 4 anos serán as seguintes: o 31 de xaneiro, 'O coelliño branco' de Trinke Trinke Teatro; o 28 de febreiro, 'Cantos contos canto' con Pablo Díaz; o 13 de marzo, 'Porco, porquiño, ensíname o camiño' de Charo Pita; o 3 de abril, 'Bos días Leo'; o 17 de abril, 'Con certo aire musical' de Fran Amil e o 8 de maio, 'Contos no ar' de Ramiro Neira.

Mentres que os de 5 anos en diante poderán ás 18.30 horas desfrutar de: 0 21 de febreiro, 'A miña historia' con Trémola Teatro; 0 6 de marzo, 'Lúa quere viaxar a marte' con A Xanela do Maxín; o 20 de marzo, 'Amoriños contei' con Paco Nogueiras e o 15 de maio, 'Contos con miga' de Migallas teatro. Ademais, o 10 de abril, ás 17.30 haberá un espectáculo de maxía, 'Maxía e ciencia' da man de Ciencia Kids.

Na Biblioteca Municipal Mª José Trincado (Mera) a oferta será a seguinte para os cativos de entre 2 e 4 anos, ás 18.30 horas: o 2 de febreiro, 'Leo e a música'; o 15 de marzo, 'Cantos contos canto' con Pablo Díaz e o 19 de abril, 'Cueiros de cores' con Trinke Trinke Teatro. En cambio para os maiores de cinco anos: o 1 de marzo, 'Rebeldes' con Ramiro Neira e o 10 de maio, 'Con ou sen consentemento' con Fran Amil. Ademais, o 5 de abril haberá unha actividade para maiores de 6 anos ás 17.30 horas,  'Animalario: arte e pintura'.

Na Biblioteca Municipal Mª José Ruso (Dorneda) contarán coas seguintes actividades, ás 18.30 horas para neno de entre 2 e 4 anos: o 19 de febreiro, 'Sabela e o paxaro máxico'; o 18 de marzo, 'Abrapalabra!' con Ramino Neira e o 22 de abril, 'Leo e os números' con Trémola Teatro. Os máis maiores  (5 anos en diante) poderán desfrutar de: o 8 de abril, 'U-la lúa?' con A Xanela do Maxín e o 13 de maio, 'Coa cabeza a paxaros' de Charo Pita. Ademais, o 4 de marzo haberá unha actividade para maiores de 6 anos ás 17.30 horas,  'A cidade violeta'.

Na Biblioteca Municipal Manuel María (Oleiros) a oferta para nenos de 2 a 4 anos será a seguinte, ás 18.30 horas: o 20 de febreiro, 'O coelliño branco' con Trinke Trinke Branco; o 2 de abril, 'Leo e os números' de Trémola teatro e o 14 de maio, 'Contos do meu avó' con Ramiro Neira. Os maiores de 5 anos poderán desfrutar de: 'Exploradoras' o 5 de marzo e de 'Extra!' o 23 de abril. Ademais, o 19 de marzo ás 17.30 habrá un obradoiro científico para nenos de máis de 6 anos.

Na Biblioteca Municipal Ánxel Fole (Nós) os nenos de entre 2 e 4 anos poderán desfrutar ás 18.30 horas de: 'Rosalía pequena' con Ramiro Neiro o 23 de febreiro; 'Cueiros de cores' con Trinke Trinke Teatro o 22 de marzo e 'O cazador de contos' con Ramiro Neira o 26 de abril. Mentres que os maiores de 5 anos: o 8 de marzo terán unha cita con 'Unha nena moi moi valente' con Ramiro Neira, o 12 de abril con 'Con ou sen consentmento' con Fran Amil e o 10 de maio, 'Da cabeza aos pés' con Charo Pita.

E por último, na Biblioteca Municipal Xograr Mendiño (Lorbé) os cativo de 2 a 4 anos poderán desfrutar ás 18.oo horas con: 'Con certo aire musical' con Fran Amil o 22 de febreiro; 'Leo e as cores' con trémola Teatro o 21 de marzo e 'Tatarantantarantiña' con Charo Pita o 25 de abril. Os de 5 anos en diante terán: o 7 de marzo unha cita con 'De princesas vai o conto' con Proyecto Bululú; 'Os libros da Titiriteira' con A Xanela do Maxín o 11 de abril e 'Animais do bosque' con Trinke Trinke Teatro o 9 de maio.

0.16619205474854