Arteixo converterase na capital do mundo otaku
O Pazo dos Deportes de Arteixo será o epicentro da cultura xaponesa en Galicia os días 12 e 13 de xullo coa celebración de Mundo Otaku, un evento de referencia para todos os amantes do K-pop, cosplay, gaming e ocio alternativo.
Durante estas dúas xornadas, o público poderá participar en concursos, asistir a exhibicións de cosplay, gozar de espectáculos de K-pop e competir en torneos de videoxogos. Ademais, haberá zonas dedicadas á artesanía, ao merchandising e á gastronomía oriental, ofrecendo unha experiencia completa para os asistentes.
A entrada será totalmente gratuíta, permitindo que persoas de todas as idades poidan acceder a esta cita cultural sen ningún custo.
Desde o Concello de Arteixo, organizador do evento a través da área de Xuventude, destacan que o obxectivo de Mundo Otaku é “achegar ao público da nosa área metropolitana o mellor da cultura otaku”, consolidando así a cidade como punto de encontro para esta comunidade.