Arteixo celebrará a Festa das Flores cunha programación chea de tradición e música
Arteixo celebra esta fin de semana a tradicional Festa das Flores cunha programación que inclúe o concurso dos Maios, a elaboración de alfombras florais e diversas actuacións e verbenas.
Con motivo do inicio do calendario de festas de primavera e verán, o Concello de Arteixo informa de que o horario límite das celebracións establecerase nas 03.30 da madrugada. Esta medida adáptase á normativa vixente e ten como obxectivo acadar un equilibrio entre o disfrute festivo e o dereito ao descanso de toda a veciñanza.
O establecemento destes horarios busca fomentar a convivencia social e evitar molestias innecesarias, especialmente en zonas residenciais próximas aos espazos festivos. Tamén se pretende garantir a seguridade cidadá, facilitando unha xestión máis eficaz dos servizos de emerxencias e dos corpos de seguridade.
Ademais, o Concello sinala que se busca reducir o impacto acústico e lumínico, cumprindo cos compromisos de sustentabilidade e coa normativa vixente en materia de ruído e espectáculos públicos.