Arrinca o Rallye Rías Altas Histórico 2025 en María Pita
O Rallye Rías Altas Histórico deu hoxe a saída na Praza de María Pita, convertendo A Coruña nun dos epicentros do automobilismo clásico en España. A delegada da Xunta, Belén do Campo, participou na cerimonia e resaltou o apoio institucional ao evento, que recibe un patrocinio de 10.000 €, pola súa capacidade de atraer afeccionados e visitantes á cidade.
A proba, penúltima do Campionato de España de Rallyes para Vehículos Históricos (CERVH), reúne 78 equipos —57 en velocidade e 21 en regularidade— e conta con nomes destacados e coches emblemáticos, desde Mitsubishi EVO V e Ford Escort MKII ata históricos kit car como o SEAT Ibiza de Joan Vinyes e o Peugeot 306 Maxi de Manuel Senra, que prometen espectáculo para os afeccionados e coleccionistas.
Mañá disputarase a competición con oito treitos cronometrados en Aranga, Irixoa, Monfero, Vilarmaior, Miño e Paderne (dobre pasada), que suman máis de 115 quilómetros contra o reloxo. A entrega de trofeos pechará a cita na Praza de María Pita; a organización mantén un dispositivo de seguridade e logística para garantir o bo desenrolo da proba e o seu impacto turístico na provincia.