Aranga aposta por un futuro máis igualitario e inclusivo con dous novos acordos
O Concello de Aranga vén de dar dous pasos decisivos para mellorar a calidade de vida da súa veciñanza.
Por unha banda, asinouse un convenio coa Consellería de Política Social e Igualdade, en colaboración con outros concellos da comarca, destinado a intensificar a atención e o seguimento das vítimas de violencia machista e das súas crianzas. O acordo tamén inclúe campañas de sensibilización e medidas para promover a igualdade real en todos os ámbitos sociais.
Por outra, o municipio incorpórase a un programa conxunto que garante terapias gratuítas para nenos e nenas de 0 a 6 anos que precisen apoio no seu desenvolvemento. O servizo contará con profesionais especializados, como logopedas, psicólogos e fisioterapeutas, que ofrecerán unha atención personalizada e adaptada a cada caso.