Antonio Vila González enriquece a biblioteca de Miño coa súa colección National Geographic
Manuel Vázquez Faraldo e a concelleira de Cultura, Catalina Morado, recibiron á familia de Antonio Vila González nun emotivo acto no que se formalizou a doazón da súa ampla colección National Geographic á biblioteca municipal Concepción Arenal. Durante a cerimonia, descubríronse a placa conmemorativa que recoñece o xesto, situada na estantería onde agora se alberga a colección, na sala de lectura da biblioteca, permitindo aos usuarios acceder a este fondo documental. O acto contou coa presenza de membros da familia do doante, representantes municipais e persoal da biblioteca, e destacou pola súa calidez e recoñecemento público ao compromiso coa cultura e a educación.
Ademais desta doazón, Emilio Vila entregou ao concello a maqueta en escaiola do monumento a Fernán Pérez de Andrade “O Bo”, que se atopa na praza homónima en Ponte do Porco. Esta peza, reproducindo con gran detalle o emblemático monumento, ven a complementar o patrimonio histórico e cultural de Miño, permitindo aos veciños e visitantes achegarse de forma didáctica á historia local. Segundo destacaron as autoridades locais, a achega de Antonio Vila González supón un importante incremento dos recursos culturais do municipio, ofrecendo aos cidadáns explorar e gozar dunha das coleccións máis completas deste material editorial.