Deportes

A proba estaba prevista para este venres 30 de xaneiro ás 10.00 horas, pero o Concello decidiu aprazala polas malas previsións meteorolóxicas

A III Miño Milla pola Paz non se celebrará finalmente este venres, 30 de xaneiro. O Concello anunciou o adiamento da actividade debido ás malas previsións meteorolóxicas e fixou unha nova data: luns, 9 de febreiro.

A cita, promovida arredor dos valores de convivencia e paz, mantén o formato previsto, con distintas carreiras adaptadas por idades e participación aberta no marco dunha xornada deportiva e comunitaria. Desde a organización agradecen a comprensión da veciñanza e das persoas participantes polo cambio de calendario.