Cultura

Durante a xornada haberá 14 actividades paralelas e outras sorpresas nos diferentes espazos da cidade

Este sábado celébrase unha nova edición de 'Estudos Abertos', que contará coa participación de 35 artistas da cidade de diferentes modalidades artísticas. A xornada contará con ata 14 actividades paralelas e outras sorpresas nos diferentes espazos da cidade onde se desenvolverá.

Coa celebración desta xornada, o Gobenro local amosa o seu apoio ao sector cultural e artístico mediante a organización deste evento aberto a toda a cidadanía. Os estudios participantes estarán abertos, con entrada de balde, de 11.00 a 21.00 horas.

O Concello da Coruña organiza un ano máis a xornada de portas abertas 'Estudos Abertos', na que participarán profesionais das diferentes modalidades artísticas: escultura, pintura, fotografía, ilustración, debuxo, cerámica ou multidisciplinar. Os estudios contarán con programación propia durante toda a xornada, que incluirá a participación de artistas convidados e outras sorpresas.

O obxectivo desta xornada é coñecer de primeira man os artistas coruñeses, os seus centros de traballo e creación e os seus procesos creativos. Son todos eles e elas profesionais radicados na cidade e que desenvolven o seu traballo nela.

Actividades paralelas

• Ali Ali: Pintura para nenos de 14.00 a 16.00 horas.
• Chelo Facal: Visitas guiadas durante a xornada, obradoiro para nenos (12.00 – 13.30 horas) e peche coa performance de Willy Eter: conversas entre artes plásticas e teatro.
• Edgar Ortiz: Visita guiada infantil polo estudio con percorrido a través das distintas fases da creación artística: dende a concepción da idea, pasando polo proceso pictórico ata o resultado final. Ás 11.00 horas.
• Ese Sitio: De 13.00 a 18.00 horas. Hika: Pequenas viñetas, obradoiro rápido sobre crear unha viñeta autoconclusiva, nocións básicas de composición e guión, xerar nunha soa folla unha viñeta autoconclusiva utilizando a linguaxe de cómic como medio de expresión. Cris Alborjart: Obradoiro de deseño de personaxes de lendas galegas.
• Espacio Línea Noroeste: Obradoiro de iniciación á Cyanotype. Horario de mañá de 12.30 a 13.30 e de tarde de 18.00 a 19.30 horas.
• Espazo Salgado: Debuxo en directo no cristal da galería a cargo de María Salgado.
• Fernando Blanco: Obradoiro de gravado político con Linóleo
• Gisela Galván, Lara / La chica de la cinta e Juan Balay: Durante todo o día soará música de fondo cun tocadiscos.
• Gosia Trebacz: Obradoiro de colaxe de 12.00 a 13.00 horas. Actuación de baile e música de 18.00 19.00 horas con Amparo Martínez (bailarina) e Ber Martínez e Fito Ares (músicos)
• Maica Gómez: Recital poético a cargo de Eugenia San Martín (cantante e compositora) e Patricia Fernández (poeta). Ás 19.00 horas.
• Óscar Cabana: Elaboración dun mural colectivo enfocado á rapazada durante todo o día.
• Pedro Bueno: Visita guiada de mañá e tarde o día do evento
• Victoriano Fernández:Demo de pintura en espazos de realidade virtual e a presentación dun vídeo interactivo.
• Xulia Weinberg: Obradoiro durante varias horas continuas de reciclaxe de vidro, pintado de botellas, frascos, placas de vidro, restauración de vidro...