A Sociedad de Sada actualiza a súa programación con tango, pilates, baile latino e actividades artísticas
A Sociedad Recreativa, Cultural e Deportiva de Sada reforza a súa oferta de actividades para este inicio de ano cunha programación que combina baile, benestar e formación artística e musical. A entidade lembra que se pode probar unha clase gratis e anima a reservar praza con antelación.
No apartado de baile, a Sociedad oferta tango os martes de 20.30 a 22.00 horas, con clases para todos os niveis. A programación complétase con bailes latinos os mércores de 19.00 a 20.00 horas, pensados para quen queira iniciarse ou manterse en activo nun ambiente de lecer.
En benestar, amplíanse as opcións con pilates os luns e mércores de 20.00 a 21.00 horas, e pilates en silla os xoves de 20.00 a 21.00 horas, unha modalidade adaptada.
A oferta inclúe tamén clases individuais de piano, de luns a venres (consultar dispoñibilidades), e propostas para quen busca actividades creativas: pintura infantil os luns de 17.00 a 20.00 horas e pintura para adultos os martes e/ou xoves de 17.00 a 20.00 horas. Ademais, hai clases de batería os xoves de 17.00 a 20.00 horas e clases de canto individuais, tamén con horarios a concretar segundo dispoñibilidade.
Para máis información e reservas, as persoas interesadas poden contactar no 638 160 799 ou no correo lasociedad.sada@gmail.com.