A segunda edición do Aghora Viós Fest consolídase como unha cita clave da mocidade
A parroquia de Viós viviu unha xornada chea de música e emocións coa celebración da segunda edición do Aghora Viós Fest, un encontro que se confirma como referente para a mocidade e a participación veciñal.
O protagonismo estivo nos artistas locais: Diego, Samuel, Noa, o profesor Gueorgui co seu alumnado e o DJ Teo fixeron vibrar ao público con actuacións variadas e cheas de talento.
O éxito do evento débese en boa medida á implicación da asociación organizadora e de mozos como Gabi de Meixigo, veciño de Viós e baixista en Stone Wolf e Low Gain, considerado unha peza fundamental na posta en marcha do festival.
A cita pechouse cun detalle especial: cada artista recibiu un agasallo como recoñecemento á súa participación. Un xesto que reforzou o espírito comunitario dun festival que xa se identifica como o da xuventude e da colaboración veciñal.