A Provincia da Coruña contará este ano con 38 praias con bandeira azul
Galicia contará este ano cun total de 114 praias pertencentes a 35 municipios galardoadas coa bandeira azul, un distintivo de carácter internacional co que a Asociación de educación ambiental e do consumidor (Adeac) recoñece anualmente a areais de todo o mundo seleccionados en base a unha serie de rigorosos criterios de sustentabilidade, accesibilidade e servizos.
Desde xeito, Galicia concentra case unha de cada cinco bandeiras concedidas en España (638) e consolida a súa posición entre as tres comunidades que reciben un maior número de distintivos para as súas praias, xunto con Valencia (que suma 138) e Andalucía (130).
Dos 114 areais galegos galardoados nesta edición (que se estenden ao longo de 53,5 km de costa e supoñen 1 máis que en 2023), cómpre subliñar que ningún recibe este distintivo por primeira vez pero cinco deles recuperan a bandeira que non luciron o ano pasado. Son, concretamente, Lombiña-Cabío, na Pobra do Caramiñal, Area Maior, en Malpica de Bergantiños, A Ribeira, en Miño, Ladeira, en Baiona, e Xiorto, en Poio.
Así mesmo, Adeac tamén deu a coñecer esta mañá a relación de portos deportivos nos que ondeará a bandeira azul. Das 102 instalacións recoñecidas no conxunto do país, 11 están en Galicia, unha menos que na pasada edición, xa que o Club Náutico Boiro-Marina Cabo de Cruz non presentou candidatura este ano por estar en obras.
De igual xeito e aínda que neste caso non lucirán bandeira como tal, Adeac recoñeceu un ano máis o labor dos chamados centros azuis, categoría na que se engloban aulas de natureza, centros de recepción de visitantes e instalacións similares dedicadas á educación ambiental. Dos 87 galardoados en todo o país, 15 están en Galicia, destacando en especial a incorporación do Estaleiro de Purro, en Bueu, e do Centro de interpretación ambiental Foz do Miñor, en Baiona, que se estrean este ano como centros azuis.
Cómpre subliñar que os criterios esixidos por Adeac para a concesión da bandeira azul, no caso de praias e portos, están relacionados coa calidade das augas (que ten que ser excelente); a seguridade e a accesibilidade; a dotación de servizos; así como a xestión ambiental e a sustentabilidade. Pola súa parte, os centros azuis deben fomentar a educación ambiental no litoral, o coñecemento da contorna e as alternativas de ocio.
Clasificación por provincias galegas
Por provincias, Pontevedra concentra o maior número de bandeiras azuis de Galicia, concretamente 60 que recaen noutras tantas praias e outras 6 en instalacións portuarias. No caso da Coruña, os galardoados foron 38 areais e 4 portos e no de Lugo, recoñeceuse con este distintivo a 16 praias e 1 porto deportivo.
Sanxenxo volve repetir como o municipio español con máis areais galardoados, un total de 17, os mesmos que logrou en 2023. O concello pontevedrés suma tamén 3 distincións para outros tantos portos e terá de novo 1 centro azul. Ademais, cómpre subliñar o caso de Vigo, que con 12 praias con bandeira é a cidade galega que recibe máis galardóns.
Así mesmo, no caso da provincia da Coruña, Arteixo volve ser o que concentra un maior número de bandeiras, con 7 areais seleccionados; seguido da Coruña (5 areais e 1 porto), Oleiros (5 praias e 2 centros azuis) e Ferrol (con 5 areais tamén).
Por último, Foz é o concello lucense con máis praias galardoadas, un total de 5; seguido de Burela, con 2 praias e 2 centros azuis; Barreiros e O Vicedo, que suman 2 areais cada un deles, e Ribadeo, tamén con 2 praias e que un ano máis conta cun porto galardoado.
Galicia líder en sendeiros azuis
Por último e con relación aos chamados sendeiros azuis, cómpre precisar que, por terceiro ano consecutivo, Adeac convocou estes distintivos no marco dun programa independente ao de bandeira azul co que se busca poñer en valor o papel das sendas como un recurso valioso para gozar da natureza e aprender a interpretar a contorna.
O acto oficial de recoñecemento aos 128 itinerarios galardoados en 2024 no conxunto do país tivo lugar a mediados de marzo e nel se confirmou que Galicia segue sendo a comunidade con máis sendeiros azuis (49 este ano, 14 máis que na edición anterior).
En total e sumando praias, portos, centros de visitantes e sendeiros distinguidos este ano por Adeac, Galicia atesoura 189 insignias azuis, balance co que mellora a súa posición a nivel nacional ao superar por primeira vez a Andalucía (con 188) e situarse como a segunda comunidade española con máis distintivos azuis en todas as categorías.
Listaxe de praias e portos con bandeiras azuis por provincias:
| PRAIAS CON BANDEIRA AZUL 2024 | ||
| PROVINCIA DA CORUÑA
15 concellos / 38 areais |
||
| A Coruña | As Lapas | |
| Orzán-Matadero | ||
| Oza | ||
| Riazor | ||
| San Amaro | ||
| A Laracha | Caión | |
| A Pobra do Caramiñal | Lombiña-Cabío | |
| Arteixo | A Hucha | |
| A Salsa (Repibelo) | ||
| Barrañán | ||
| Combouzas | ||
| Porto de Suevos | ||
| Sabón | ||
| Valcovo | ||
| As Pontes de García Rodríguez | Lago das Pontes | |
| Bergondo | Gandarío | |
| Camariñas | Arou | |
| Carballo | Pedra do Sal | |
| Razo | ||
| Saíñas | ||
| Dumbría | O Ézaro | |
| Ferrol | A Fragata-O Pareixal | |
| Caranza | ||
| Doniños | ||
| Esmelle | ||
| San Xurxo | ||
| Laxe | Laxe | |
| Malpica de Bergantiños | Area Maior | |
| Miño | A Ribeira | |
| Perbes-Andahío | ||
| Oleiros | Bastiagueiro | |
| Espiñeiro | ||
| Mera | ||
| Naval | ||
| Santa Cristina | ||
| Ponteceso | A Ermida | |
| Balarés | ||
| O Osmo | ||
| PROVINCIA DE LUGO
8 concellos / 16 areais |
||
| Barreiros | Coto | |
| Fontela Valea | ||
| Burela | A Marosa | |
| O Portelo | ||
| Cervo | O Torno | |
| Foz | A Rapadoira | |
| Areoura | ||
| As Polas | ||
| Llas | ||
| Peizás | ||
| O Vicedo | Abrela | |
| Xilloi | ||
| Ribadeo | As Catedrais | |
| Os Castros-Illas | ||
| Viveiro | Area | |
| Xove | Esteiro | |
| PROVINCIA DE PONTEVEDRA
12 concellos / 60 areais |
||
| A Guarda | Area Grande | |
| O Muíño | ||
| A Illa de Arousa | Area da Secada | |
| Bao (Camaxe) | ||
| Baiona | Barbeira | |
| Concheira | ||
| Frades | ||
| Ladeira | ||
| Ribeira | ||
| Santa Marta | ||
| Bueu | Area de Bon | |
| Banda do Río | ||
| Lagos | ||
| Lapamán | ||
| Portomaior | ||
| Cangas | Areabrava | |
| Areamilla | ||
| Liméns | ||
| Menduíña | ||
| Nerga | ||
| Rodeira | ||
| Marín | Aguete | |
| Mogor | ||
| Portocelo | ||
| Santo do Mar-A Coviña | ||
| Moaña | O Con | |
| Poio | Cabeceira | |
| Xiorto | ||
| Ponte Caldelas | A Calzada (praia fluvial) | |
| Sanxenxo | A Lapa | |
| Agra | ||
| Areas | ||
| Areas Gordas | ||
| Baltar | ||
| Bascuas | ||
| Canelas | ||
| Caneliñas | ||
| Foxos | ||
| Major | ||
| Montalvo | ||
| Nosa Señora da Lanzada | ||
| O Espiñeiro | ||
| Panadeira | ||
| Paxariñas | ||
| Pragueira | ||
| Silgar | ||
| Vigo | Argazada | |
| A Fontaíña | ||
| A Punta | ||
| Canido | ||
| Carril | ||
| Fortiñón | ||
| O Adro | ||
| O Vao | ||
| Rodas (Illas Cíes) | ||
| Samil | ||
| Santa Baia | ||
| Tombo do Gato | ||
| Vilagarcía de Arousa | Campanario | |
| Compostela | ||
| PORTOS CON BANDEIRA AZUL 2024 | ||
| A Coruña | A Coruña | Real Club Náutico A Coruña-Marina Real |
| Sada | Club Náutico Sada | |
| Porto Deportivo Sadamar | ||
| Porto do Son | Real Club Náutico de Portosín | |
| Lugo | Ribadeo | Porto Deportivo de Ribadeo |
| Pontevedra | Baiona | Monte Real Club de Iates de Baiona |
| Cangas | Porto Deportivo Cangas (Real Club Náutico Rodeira) | |
| O Grove | Porto Deportivo Pedras Negras | |
| Sanxenxo | Real Club Náutico Sanxenxo | |
| Club Náutico Portonovo | ||
| Porto Deportivo Juan Carlos I | ||
| CENTROS AZUIS 2024 | ||
| A Coruña | A Laracha | Centro de interpretación dos Muíños de Auga da Costa da Morte Golmar |
| Camariñas | Centro de visitantes do Faro de Cabo Vilán | |
| Museo Man de Camelle | ||
| Oleiros | Aula do Mar do centro de interpretación do Monumento Natural Costa de Dexo-Serantes | |
| CEIDA: Centro de Extensión Universitaria e Divulgación Ambiental de Galicia | ||
| Lugo | Burela | Centro de Educación Medioambiental Gaia |
| Barco Museo Reina del Carmen | ||
| Pontevedra | A Illa de Arousa | Centro de interpretación da Conserva |
| Baiona | Centro de interpretación ambiental Foz do Miñor * | |
| Bueu | Aula de Natureza Cabo Udra | |
| Centro de interpretación do litoral de Agrelo | ||
| Estaleiro de Purro * | ||
| Marín | Centro de interpretación dos petróglifos de Mogor | |
| Poio | Casa Museo de Colón | |
| Sanxenxo | Centro de interpretación As Telleiras | |