Deportes

Un evento deportivo, no marco do Concello de Oleiros, organizado polo Centro Deportivo Mariñeiro de Mera

O 2 de febreiro, a praia de Santa Ana en Mera converterase no escenario da emocionante regata de bateis. Así o anunciou o Concello de Oleiros, a través das redes sociais. O evento deportivo, organizado polo Centro Deportivo Mariñeiro de Mera, comezará ás 11.00 horas e reunirá a diferentes equipos da contorna para competir nesta tradicional modalidade de remo.

Organizadores e participantes agardan unha boa asistencia de público para desfrutar dunha mañá de deporte ao aire libre, cunha contorna privilexiada como pano de fondo. A cita promete ser un encontro cheo de emoción e espírito competitivo, que pon en valor o vínculo entre o deporte mariñeiro e as nosas costas.