Educación | Infraestructuras

O Concello de Cambre instalou nova iluminación na cancha, que poderá empregarse con este servizo ata as 22.00 h

A pista deportiva do CEIP Wenceslao Fernández Flórez conta xa con iluminación, unha mellora que abre a porta a ampliar o seu uso máis alá das horas de luz natural. A medida, en funcionamento desde a semana pasada, facilita que a comunidade educativa e as persoas usuarias poidan organizar actividades e adestramentos tamén en franxas de tarde-noite, especialmente nos meses de inverno, cando anoitece antes.

O Concello de Cambre informou de que o uso da pista con iluminación estará permitido ata as 22.00 h. Con este límite horario búscase compatibilizar o aproveitamento das instalacións coa convivencia no entorno, promovendo ao mesmo tempo a práctica deportiva en condicións de maior seguridade e visibilidade.