A parroquia de Feáns en Aranga celebra o sábado 5 de outubro a Festa da Virxe do Rosario
O vindeiro sábado 5 de outubro, a parroquia de Feás, en Aranga, celebrará a tradicional festa na honra da Virxe do Rosario, cunha programación chea de actividades para todos os públicos.
Os actos comezarán ás 13.00 horas cunha misa solemne en honra á Virxe. A continuación, ás 14.00 horas, terá lugar a popular sesión vermú. Ás 15.00 horas, celebrarase un xantar no que os asistentes poderán degustar empanada, callos, pan, viño, refrescos e postre. O prezo do xantar é de 15 euros por persoa, mentres que os menores de 10 anos poderán gozar de balde e os rapaces de entre 10 e 15 anos pagarán a metade do prezo.
A festa continuará a partir das 17.00 horas cunha sesión de tarde-noite amenizada polo Dúo Caramelo, que ofrecerá música para todos os asistentes. Ademais, os máis pequenos poderán desfrutar de inchables gratuítos durante toda a xornada.
Anímase a toda a veciñanza e visitantes a participar desta xornada festiva e de convivencia en Feás.