A música encheu a igrexa de Santiago no Concerto Cidade de Betanzos

A Coral Polifónica, a Agrupación Musical Carlos Seijo e a Banda Municipal ofreceron un recital especial marcado por unha homenaxe ao Globo de San Roque

A igrexa de Santiago acolleu unha nova edición do Concerto Cidade de Betanzos, que reuniu á Coral Polifónica de Betanzos, á Agrupación Musical Carlos Seijo e á Banda Municipal de Música nunha cita que conquistou ao numeroso público asistente.

O templo quedou pequeno ante a gran afluencia de veciños e visitantes que quixeron gozar dun programa variado e cargado de emocións, no que cada agrupación deixou mostra do seu talento e compromiso coa cultura local.

O momento máis emotivo chegou coa interpretación dunha obra composta por Paco Casal e con letra de Esther López Castro, dedicada ao 150 aniversario do emblemático Globo de San Roque, unha das tradicións máis queridas da cidade.