Eventos

O grupo 'La Segunda Juventud', da Asociación de Mulleres Rurais de Vilarmaior, actuará no local social das Travesas cunha entrada solidaria de 3 euros

O grupo de teatro 'La Segunda Juventud', vinculado á Asociación de Mulleres Rurais de Vilarmaior, representará o domingo 22 de marzo a obra 'A Mula de D. Pedro' en Monfero. A función comezará ás 17.30 horas no local social das Travesas.

A cita está organizada polo Grupo Folclórico Virxe da Cela e presenta unha nova saída escénica para esta formación afeccionada, que levará a súa proposta teatral fóra do municipio. A entrada terá un donativo de 3 euros.

A organización informa de que o aforo será limitado, polo que será preciso anotarse previamente antes do 19 de marzo nos teléfonos que figuran no cartel. Ao remate da representación haberá tamén unha merenda para as persoas asistentes con doces de Churrería Dulce Tentación.