Eventos

O recital, a cargo do grupo de voces e cordas, celebrarase ás 18.00 horas e estará aberto a toda a veciñanza

A música do Nadal volverá soar en Vilarmaior o vindeiro sábado 3 de xaneiro de 2026 cun concerto na igrexa de San Pedro. A cita está prevista para as 18.00 horas e contará coa actuación de Chordae Angelorum, formación de voces e cordas que ofrecerá un recital pensado para estas datas.

O evento, no que colabora o Concello de Vilarmaior, preséntase como unha proposta cultural aberta ao público, polo que poderá asistir toda a veciñanza que o desexe. Deste xeito, o municipio suma unha nova actividade ao calendario de Nadal, convidando a compartir unha tarde de música nun espazo emblemático como é a igrexa parroquial.