A Fundación Paideia Galiza acolle unha conferencia sobre intelixencia artificial e algoritmos
A Fundación Paideia Galiza acollerá o xoves 27 de febreiro ás 18.30 horas a conferencia 'Obxectos intelixentes para humanos obsoletos? Miradas críticas ao algoritmo'. A xornada contará coa participación de Eurídice Cabañes, Doutora en Filosofía pola Universidade Autónoma de Madrid coa tese titulada 'A tecnoloxía nas fronteiras'.
Ademais, é co-directora en ArsGames, unha organización internacional que emprega o videoxogo como ferramenta de transformación social. Cabañes é profesora en varias universidades de España e México e conta con máis de 60 publicacións entre artigos, libros e divulgación.
O evento estará presentado e moderado polo xornalista e presentador de televisión Quique Morales. Esta conferencia propón unha reflexión crítica sobre o impacto da intelixencia artificial e os algoritmos na sociedade actual, promovendo o debate sobre os retos e as oportunidades que estas tecnoloxías presentan.