A exposición 'Chicas Nuevas 24H' chega ao centro cívico Manuel Murguía para denunciar a trata de mulleres
A sala de exposicións do Centro Cívico Cultural Manuel Murguía acollerá do 1 ao 15 de decembro a mostra 'Chicas Nuevas 24H', un proxecto da cineasta e activista Mabel Lozano que afonda na realidade da trata e da explotación das mulleres.
A exposición, promovida polo Concello de Arteixo e coordinada en colaboración co Centro de Información á Muller (CIM), propón un percorrido divulgativo e de sensibilización arredor desta grave problemática social, combinando materiais informativos e contidos audiovisuais.
Como actividade complementaria, o 11 de decembro ás 17.30 horas proxectarase no propio CCC Manuel Murguía o documental 'Chicas Nuevas 24H', tamén dirixido por Lozano, cun pase recomendado para persoas maiores de 14 anos.
O Concello anima a toda a veciñanza a participar nesta iniciativa, que pretende unir cultura, reflexión e conciencia social fronte á trata de seres humanos.