A estrada de Lois segue pechada ao tráfico entre Os Lagos e Oza San Pedro por obras
O Concello de Oza-Cesuras emitiu un recordatorio á veciñanza para informar de que continúa cortada ao tráfico a estrada de Lois, no treito comprendido dende Os Lagos ata Oza San Pedro, mentres avanzan os traballos que se están a executar na zona.
Desde o consistorio pídese manter a precaución e respectar o peche para evitar incidentes e facilitar o desenvolvemento da obra. Mentres non haxa novidades, recoméndase planificar os desprazamentos e empregar as vías alternativas habilitadas, que son Montelongo, a Estación e a estrada de Parada.
O Concello indica que este dispositivo de desvíos se manterá ata novo aviso, polo que se ruega seguir utilizando estes accesos e estar atentos ás próximas comunicacións municipais sobre a reapertura do tramo.