A Deputación reforzará a súa colaboración con ACLAD en campañas de prevención sobre drogodependencias
O presidente da Deputación da Coruña, Valentín González Formoso, reuniuse hoxe coa presidenta da Asociación Cidadá de Loita Contra a Droga (ACLAD) na Coruña, Rosa Barreiro, para tratar a intensificación das campañas de prevención e sensibilización social sobre as drogodependencias. Durante o encontro, González Formoso manifestou o compromiso da Deputación para apoiar as iniciativas de ACLAD, especialmente as dirixidas á concienciación da xuventude sobre os riscos e efectos das drogas.
ACLAD, que opera desde o polígono de Agrela na Coruña e conta cunha comunidade terapéutica en Culleredo, leva a cabo un traballo integral a través dun equipo multidisciplinar especializado en psicoloxía, psiquiatría, traballo social, educación, e enfermería, entre outras áreas. A presidenta de ACLAD convidou a González Formoso a visitar a comunidade terapéutica de Culleredo para coñecer de preto o labor que desenvolven.
A colaboración entre a Deputación da Coruña e ACLAD fortalecerá as actividades de formación e prevención que a asociación realiza, co obxectivo de reducir o impacto das drogodependencias na sociedade e promover hábitos de vida saudables.