A Deputación lanza un programa para fomentar o envellecemento activo e combater a soidade das persoas maiores nos pequenos concellos
A Deputación da Coruña pon en marcha un novo programa de envellecemento activo e loita contra a soidade non desexada, destinado aos concellos máis pequenos da provincia. Esta iniciativa, que conta cun investimento de 226.000 euros, beneficiará a 35 municipios con menos de 5.000 habitantes, co obxectivo de mellorar o benestar das persoas maiores a través de actividades específicas.
O presidente da Deputación, Valentín González Formoso, destacou que este programa responde á necesidade de implementar medidas que fomenten a actividade física, o benestar e a prevención do illamento social entre os maiores, especialmente nas áreas rurais. "É un complemento á importante acción social que xa estamos a desenvolver, como o servizo de axuda no fogar, que financia máis de 400.000 horas anuais, ou o programa de residencias baseadas en modelos de cercanía", sinalou Formoso.
Por outra banda, a deputada de Política Social, Mar García Vidal, recordou que hai uns anos puxérase en marcha un programa piloto en concellos como Vimianzo, Ortigueira ou Muros, e agora esténdese a todos os municipios pequenos que o soliciten. “Son iniciativas necesarias que permiten aos maiores manterse activos e evitar o illamento”, engadiu García Vidal.
Este novo programa inclúe actividades para previr o deterioro físico, mental e cognitivo, encontros interxeracionais e accións de voluntariado, así como plans que fomentan a saúde e a calidade de vida dos maiores.
Concellos beneficiarios e importe concedido
A Baña - 6.733,71 €
As Somozas - 2.700,00 €
Aranga - 6.733,71 €
Boimorto - 6.733,71 €
Boqueixón - 6.242,43 €
Cabana de Bergantiños - 6.733,71 €
Cabanas - 6.733,71 €
Cariño - 6.733,71 €
Carnota - 6.733,71 €
Cerdido - 6.733,71 €
Coiros - 6.733,71 €
Corcubión - 6.733,71 €
Curtis - 6.733,71 €
Dodro - 6.733,71 €
Dumbría - 6.733,71 €
Fisterra - 6.704,50 €
Frades - 6.733,71 €
Laxe - 6.733,71 €
Lousame - 6.733,71 €
Mañón - 6.733,71 €
Mazaricos - 6.733,71 €
Mesía - 6.733,71 €
Monfero - 6.733,71 €
Muxía - 6.700,00 €
Paderne - 6.733,71 €
Rois - 6.733,71 €
Santiso - 6.733,71 €
Sobrado dos Monxes - 5.060,00 €
Toques - 6.700,00 €
Touro - 6.733,71 €
Trazo - 6.733,71 €
Val do Dubra - 6.733,71 €
Vilarmaior - 6.733,71 €
Vilasantar - 4.350,00 €
O Pino - 5.752,44 €
Este programa, que estará en marcha a partir de outubro de 2024, pretende converterse nun apoio fundamental para a mellora da calidade de vida das persoas maiores nas áreas rurais da provincia.