A Deputación inviste 436.000 euros para impulsar o sector agrario e forestal da provincia

As axudas chegan a 25 entidades con actuacións para mellorar producións, coidar montes e previr lumes

A Deputación da Coruña vén de resolver dúas liñas de subvencións destinadas ao tecido asociativo agrario, gandeiro, forestal e cinexético da provincia cun investimento total de 436.347 euros.

O programa de axudas a investimentos distribuirá 211.371 euros entre 25 entidades, mentres que outras iniciativas para apoiar as súas actividades anuais contarán cun orzamento de 224.976 euros.

Estas axudas financiarán rozas preventivas contra incendios, melloras de camiños, recuperación de especies autóctonas, formación e adquisición de maquinaria, instalacións e equipos informáticos, fomentando prácticas sostibles e o desenvolvemento do rural.