Deputación | Educación

A institución provincial repartirá 473.750 euros entre 31 centros de toda a provincia para garantir a continuidade da formación artística

A Deputación da Coruña vén de publicar no Boletín Oficial da Provincia a concesión provisional das subvencións para o mantemento de conservatorios, escolas municipais de música e escolas de danza durante o exercicio 2026. A liña de axudas suma 473.750 euros e permitirá soster o funcionamento ordinario de 31 centros educativos e culturais.

O presidente provincial, Valentín González Formoso, defendeu a importancia de “apoiar a formación artística” que se imparte nestes servizos municipais e lembrou que o programa busca facer accesible a cultura e a educación a todos os concellos, con independencia do seu tamaño.

Concellos e contías asignadas:

• Abegondo: 11.875 euros (Escola Municipal de Música)
• Betanzos: 23.750 euros (Conservatorio Municipal de Música)
• Culleredo: 25.000 euros (Conservatorio Profesional de Música)
• Oleiros: 24.375 euros (12.500 euros para a Escola Municipal de Música e 11.875 euros para a Escola Municipal de Danza)
• Ordes: 11.875 euros (Escola Municipal de Música)
• Sada: 11.875 euros (Escola Municipal de Música)