Lara López Fernández, campioa de España de distancias cortas de salvamento e socorrismo
O talento deportivo de Ordes volve brillar a nivel nacional. A nadadora Lara López Fernández, do Club Noja Playa Dorada NetCan, proclamouse campioa de España na proba de 50 metros Socorrista no Campionato de España de distancias curtas de salvamento e socorrismo, celebrado os días 1 e 2 de marzo na Piscina Municipal Valdesanchuela de Valdemoro, en Madrid.
Ademais do título de campioa, a deportista ordense logrou tamén a medalla de prata na proba de 50 metros Remolque de Maniquí con Aletas, consolidando así o seu gran nivel competitivo nesta disciplina.
Desde o Concello de Ordes felicitan a Lara López Fernández polos seus éxitos, destacando o seu esforzo, dedicación e o orgullo que supón para o municipio contar cunha deportista de tan alto nivel. Estes resultados reafirman a gran calidade do salvamento e socorrismo galego e o talento da nadadora ordense no panorama nacional.