Eventos

O certame celebrado en Irixoa repartiu premios nas categorías de individual-parella e grupo, con actuación musical na carpa do Campo da Festa

O Entroido 2026 deixou en Irixoa unha noite marcada pola imaxinación e o humor, coa festa organizada na carpa do Campo da Festa e ambientada pola Orquestra Fuego. A convocatoria incluíu concurso de disfraces con premios económicos e agasallos para as dúas modalidades en liza.

Na categoría individual-parella, o primeiro premio foi para 'O Motero Aventureiro', mentres que o segundo recaeu en 'Pea no Niño' e o terceiro en 'Robot'. Estas distincións levan asociadas contías de 140, 120 e 100 euros, respectivamente, ademais de agasallo.

En grupos, o primeiro premio foi para 'Damas del Reciclaje'. O segundo recoñeceu a proposta 'Club Motero Mas Luces que Frenos' e o terceiro quedou para 'Piruletas'. Nesta modalidade, os premios están dotados con 240, 220 e 200 euros, tamén con agasallo.