A Casa da Cultura Pintor Lloréns acolle o concerto 'Romances Inmortais'
O Concello de Sada celebrará o Día de San Valentín cun concerto especial titulado Romances Inmortais, a cargo de Alberto Dopico & Elite Band. O evento ofrecerá un espectáculo único no que se recordarán cancións románticas emblemáticas de artistas como Alejandro Fernández, The Beatles, Julio Iglesias, Luis Miguel, Dani Martín, Elvis Presley e moitos máis.
O concerto terá lugar o domingo 16 de febreiro, ás 19,00 horas, na Casa da Cultura Pintor Lloréns. A entrada será de balde, permitindo así que todos os amantes da música poidan gozar dun serán inesquecible cheo de emocións e melodías inmortais.
O Concello de Sada anima á veciñanza e visitantes a participar nesta celebración musical, que promete ser unha viaxe polas cancións máis apaixonadas da historia.