A Banda Municipal de Oleiros viaxa a Toledo para o XVIII Encuentro de Bandas de Yeles
A Banda Municipal de Música de Oleiros será unha das protagonistas do XVIII Encuentro de Bandas 'Villa de Yeles' (Toledo). A cita, enmarcada nun intercambio entre agrupacións, celebrarase este sábado 25 de outubro ás 20.30 horas na Casa da Cultura de Yeles.
Baixo a batuta de Nilo García Armas, a banda levará ao escenario un repertorio variado no que conviven referencias manchegas, memoria histórica coruñesa e ritmos populares galegos. Entre as obras previstas figuran Por Tierras de la Mancha, En un lugar de la Mancha (1º movemento), A batalla de Elviña, Blades Of Toledo, Muiñeiras d’Oleiros, Ghalleghadas e o coñecido Mamma Mia.
Coa súa participación, a formación oleirense reforza a súa proxección fóra de Galicia e contribúe á divulgación do seu traballo en encontros que favorecen a colaboración e a circulación de públicos.