Eventos

A actuación musical está prevista entre as 12.30 e as 13.00 no mercado que se celebrará nas inmediacións da Casa do Concello, en horario de 10.30 a 14.30

O Mercadillo de Nadal de Oza-Cesuras sumará este domingo 21 de decembro de 2025 un ingrediente extra para completar o plan familiar: música en directo a cargo da banda e do coro da Escola de Música do municipio, que ofrecerán unha pequena actuación a partir das 12.30-13.00.

A proposta enmárcase na programación do propio mercadiño, que volverá converter as inmediacións da Casa do Concello (en Oza) nun espazo de ambiente festivo, con postos e participación de comercios locais e particulares. O evento desenvolverase pola mañá, de 10.30 a 14.30.

Dende a organización animan á veciñanza a achegarse para gozar do Nadal no municipio e apoiar o talento local nunha xornada pensada para pasear, mercar e escoitar música en compañía