A Área Sanitaria incorpora 14 novos postos de enfemería nos PAC
A Área Sanitaria da Coruña e Cee incrementa o persoal dos Puntos de Atención Continuada (PAC´s) coa contratación de 14 profesionais de enfermería, cumprindo cos así cos acordos firmados en relación á redución de xornada e conformando en todos os casos equipos completos de persoal tanto médico como de enfermería.
Deste xeito, foi trasladado aos representantes dos traballadores na xuntanza extraordinaria solicitada por estes e mantida este mércores. O aumento de persoal de enfermería materialízanse en 3 profesionais máis no PAC de Vimianzo, 2 en Carballo, 2 en Betanzos, 1 en A Laracha, 1 en Arteixo, 1 en Sada, 1 en Cambre, 1 en Oleiros, 1 en Culleredo e 1 en Cee .
Con isto dase cumprimento dos acordos firmados cos representantes dos traballadores e as solicitudes destes; o que implica establecer un diálogo constante, implementar as melloras das súas condicións laborais, así como realizar un seguimento efectivo para asegurar o cumprimento dos compromisos adquiridos, para recoñecer o labor que realizan estes profesionais e recoñecer o seu esforzo e dedicación.