A Área Sanitaria despediu aos 42 novos profesionais sanitarios rematan a súa formación como residentes
Est venres celebrouse o acto de despedida dunha nova promoción de Residentes de atención hospitalaria e de enfermería, que ao longo dos últimos anos, dependendo da especialidade, se formaron nos distintos centros da Área Sanitaria da Coruña e Cee. Ao acto acudiron conselleiro de Sanidade, Antonio Gómez Caamaño, xunto co xerente da área sanitaria da Coruña e Cee, Luis Verde.
Na súa intervención, Antonio Gómez Caamaño animou aos novos médicos a continuar sempre a súa formación e agradeceu o labor dos titores e das unidades docentes que lles transferiron o seu coñecemento.
Un total de 42 novos profesionais sanitarios rematan a súa formación. Deles, 20 son especialistas de diversas disciplinas hospitalarias como análises clínicas, anatomía patolóxica, anestesioloxía, aparello dixestivo, cardioloxía, medicina intensiva, interna e preventiva, neumoloxía, neuroloxía, obstetricia, otorrinolaringoloxía, pediatría, radioloxía, rehabilitación, traumatoloxía e uroloxía, así como cirurxía cardíaca, pediátrica, plástica, vascular e xeral. A estes profesionais hai que engadir outros 22 de enfermería.
Todos eles recibiron os parabéns e os diplomas acreditativos que certifican o seu paso formativo polos distintos centros sanitarios da área sanitaria da Coruña e Cee.
O acto contou coa presenza de Rosario López, presidenta da Comisión de Docencia do CHUAC; Nieves Domínguez, xefa de Estudos de Atención Familiar e Comunitaria; e Noemi Cortes, supervisora de Formación e Docencia.